Монгол, хятадын засгийн газар хоорондын комиссын ажлын хэсгийн дарга нарын уулзалтад бээжин хотноо болов

2019-05-31

Монгол Улсын Засгийн газар, Бүгд Найрамдах Хятад Ард Улсын Засгийн газар хоорондын Худалдаа, эдийн засаг, шинжлэх ухаан, техникийн хамтын ажиллагааны Комиссын Ажлын хэсгийн дарга нарын уулзалт 2019 оны 2 дугаар сарын 26-ны өдөр Бээжин хотноо болов.

Уулзалтад монголын талаас ГХЯ-ны ХөОГ-ын захирал Т.Жанабазар, хятадын талаас Худалдааны яамны Азийн газрын дэд дарга Ян Вэйчюнь тэргүүтэй төлөөлөгчид оролцов.

Уулзалтын үеэр хоёр улсын худалдаа, эдийн засгийн хамтын ажиллагааны тодорхой асуудлууд, тухайлбал, ЗГХК-ын XV хуралдаанаар хэлэлцэж тохиролцсон асуудлуудыг хэрэгжүүлэх, эдийн засгийн хамтын ажиллагааг шинэ агуулга хэлбэрээр баяжуулан хөгжүүлэх, энэ онд авч хэрэгжүүлэх хоёр талын өндөр, дээд түвшний харилцан айлчлалаар хэлэлцэх асуудал, энэ онд тохиож буй хоёр талын хооронд дипломат харилцаа тогтоосны 70 жилийн ойн хүрээнд хятадын талаас олгосон хөнгөлөлттэй зээл, буцалтгүй тусламжийн хамтын ажиллагааны төслүүдийг урагшлуулах, БНХАУ-д зохион байгуулагддаг олон улсын экспо, үзэсгэлэн, яармагт Монголын аж ахуйн нэгжүүдийг оролцуулах зэрэг асуудлаар санал солилцов.